شعر: غزل
ويناوال: صديق الله بدر
ادامه نوشته
غزل
تيارې دي له سهاره تر سهاره توره شپه ده
په موږه بدنصـــــــيبو دوامداره توره شپه ده
+ نوشته شده در ۱۳۸۶/۰۹/۲۹ ساعت 5:11 PM توسط صديق الله بدر
|
شعر: غنچې
ويناوال: صديق الله بدر
غنچې
سره لاسونه
تورې سترګې
تار تار زلفې اوربلونه
سپين مخونه
موسكۍ شونډې
مست مست زړونه
مست ستونه
سپين او شنه خالونه
سترګو سترګو كې رازونه
لېونيو !
مبارك مو
دا دمينې
اخترونه
۱۳۷۳/۱۲/۲۲
+ نوشته شده در ۱۳۸۶/۰۹/۲۹ ساعت 5:1 PM توسط صديق الله بدر
|
شعر: ورك په وركو كې
ويناوال: صديق الله بدر
(د خپل پلار په وير كې)
ورك په وركو كې
شېبې شوې تېرې
كلونه تېر شول
خو مې په زړه لكه د نن ورېږي
په ياديدو كې دې نن
په زړه مې غم راپرېوت
سترګو مې اوښكې وكړې
درپسې ومې ژړل
په زوره زوره هسې
چې چا په چا پسې ژړلې نه دي
***
هيلو اسرو واخيستم
چې دې مزار ته درشم
چې دې زيارت وكړمه
زه له كلونو وروسته
ځكه كلونه كېږي
چې ستا له مړينې وروسته
زه له خپل ځان او له جهانه ورك يم
يو داسې ورك چې ورك په وركو كې يم
غواړم د سترګو اوښكې
دغه راڼه
دغه ګلونه ستوري
دغه ځولۍ مې د غمونو خپله
ستا په مزار باندې راوغوړوم
سم دې له ځانه سره وژړوم
درته كيسې مې د دردونو د غمونو
تېرو هېرو وكړم
هغه كيسې چې ژړوي مې هر وخت
هغه كيسې چې ځوروي مې هر وخت
هغه كيسې چې راته تا يادوي
هغه كيسې
هغه كيسې چې په كې ورك يمه زه
يو داسې ورك چې ورك په وركو كې يم
۱۳۷۰/۱۲/۲
+ نوشته شده در ۱۳۸۶/۰۹/۲۳ ساعت 4:9 PM توسط صديق الله بدر
|
شعر: غزل
ويناوال: صديق الله بدر
ادامه نوشته
غزل
ستا د وعدې له انتظاره سره
لارې دې څارم له ريباره سره
+ نوشته شده در ۱۳۸۶/۰۹/۲۳ ساعت 3:57 PM توسط صديق الله بدر
|
د غشو تنده: د خندا تصوير
ويناوال: صديق الله بدر
ادامه نوشته
د خندا تصوير
اشنـا ته خـانـدمه دنيـا ته خــاندم
د غريب خوله يمه هرچا ته خاندم
+ نوشته شده در ۱۳۸۶/۰۸/۰۵ ساعت 7:6 PM توسط صديق الله بدر
|
د غشو تنده: د شوګېرونو لښكر
ويناوال: صديق الله بدر
ادامه نوشته
د شوګيرونو لښكر
ژوند مې يو سيند هسې څپې څپې تېرېږي او ځي
ګورم ساحل سره ټكرې خوري ماتېږي او ځي
+ نوشته شده در ۱۳۸۶/۰۸/۰۵ ساعت 6:58 PM توسط صديق الله بدر
|
د غشو تنده: د ژړا په تال كې
ويناوال: صديق الله بدر
ادامه نوشته
د ژړا په تال كې
كه تېروم دانه دانه زنده ګي
جوړوم خيال كې شاهانه زنده ګي
+ نوشته شده در ۱۳۸۶/۰۸/۰۵ ساعت 6:51 PM توسط صديق الله بدر
|
د غشو تنده: مينه
ویناوال:صدیق الله بدر
ادامه نوشته
مينه
خال دې له سجدې او له كعبې وايي
سترګې دې له جام او ميكدې وايي
+ نوشته شده در ۱۳۸۶/۰۸/۰۵ ساعت 6:41 PM توسط صديق الله بدر
|
شعرونه: يو ارمان
يو ارمان
چې د زخمونو په دردونو اوړو
مــوږه د ښكلو په كبرونو اوړو
مينه زمـــوږ د عمـــرونو سفر
په بــلا زلفــو بــلا غــرونو اوړو
لا چــې حيا يې د كتو وساتو
لا يــې په سپــورو نظرونو اوړو
زمـــوږه لاره پـــه اغـــزو وتــلې
دا يو ارمان! چې په ګلونو اوړو
قــدم چـې اخلو ثوابونو پسې
قــدم قــدم په عــذابـونــو اوړو
بدره چې لارې رانه وركې دي خو
په سپين سهار په ماښامونو اوړو
۱۳۷۳/۲/۲۱
+ نوشته شده در ۱۳۸۶/۰۷/۰۷ ساعت 5:38 PM توسط صديق الله بدر
|
شعرونه: لار وركي لاروي
لار وركي لاروي
ادامه نوشته
بيګاه خوب كې مې ليدل چي
يو لار وركى مسافر يم
ناليدلي لور ته خوځم
په مزل يم
+ نوشته شده در ۱۳۸۶/۰۷/۰۷ ساعت 4:51 PM توسط صديق الله بدر
|
شعرونه: زموږ كلى
زموږ كلى
زموږ كلى
دا د دنګو غرونو شاته
كه دې زړه وي
چې ته راشې
د زړګي پردې دې خلاصې كړه په ځير شه
او بيا وګوره په مينه:
يوه سره د وينو ليكه
غځېدلې ده له غرونو
چې تر كلي پورې رسي
۱۳۷۳/۱/۲۲
+ نوشته شده در ۱۳۸۶/۰۷/۰۷ ساعت 4:49 PM توسط صديق الله بدر
|
شعرونه: يأس
يأس
ښه مې په ياد دي اشنا
چې به پخوا كله زموږ كلي كې
د ټوپك ډزې وشوې
درېيمه ورځ
د يو ماشوم هلك په غوږ كې مو د كلي ملا
ډېرې خوښۍ نه اذانونه كول
خو اوس زموږه همهغه كلي كې
د خنداګانو او خوښيو كلى
د ټوپك ډزې كېږي
او په همهغه ورځې
زموږ د كلي ملا
آن له چرګبانګه تر ماښامه پورې
د سر په سر په وينو سرو جنازو
چې هديرې ته راځي
كوي لمونځونه
ژاړي
۱۳۷۳/۱/۲۲
+ نوشته شده در ۱۳۸۶/۰۷/۰۷ ساعت 4:46 PM توسط صديق الله بدر
|
شعرونه: د زړه هنداره
د زړه هنداره
د وينــو ستـــورى لــه مــداره نيسم
د زړګـــي درد مــې له پرهاره نيسم
بـازار د ښكلـــو كـــې چـې څه كومه
دې غلام زړه ته مــې بــاداره نيسم
قاتــل نظــر انځــوروم د اشنـــــــــــــا
ځكــــه د زړه ورتـــه هنــداره نيسـم
زه يمـــه داســـې لېــــونـــى ملګـرو
اوښكه مې سترګو كې ايساره نيسم
نـن مــې نظـــر نظـــر كـې اوړي بدره
چـې هــر نظـر ، نـظر كې لاره نيسم
۱۳۷۶/۱۱/۴
+ نوشته شده در ۱۳۸۶/۰۷/۰۷ ساعت 4:14 PM توسط صديق الله بدر
|
شعرونه: د غشو تنده
د غشو تنده
داسې چې ډېر ډېر په ما ګران دى زړه مې
زمـــا خـــو نـــه دى د جـــانــان دى زړه مې
تــورې تېــرې پــرې هـــر نظـــر پـــرېــوځــي
د ويــنــو كــــور افــغـــانستــان دى زړه مې
ستـــا د نــظـــــر د بـــړبـــوكـــو هــــنـــداره
د ښــــايستــــونـــو بيــــابـــان دى زړه مې
راشــــه د غشــــو تنـــده مـــاتـــه كـړه پرې
څپــــــــــې څپـــــــې رود روان دى زړه مې
دى د غـــمــــونـــــو حســـرتـــونـــو جهــان
غريـــب يې مه ګڼه لوى خان دى زړه مې
بــــدره چــې وينــې وينــې خاندي په كې
پــــه پـــرهـــرونــــو چــراغـــان دى زړه مې
۱۳۷۷/۵/۱۸
+ نوشته شده در ۱۳۸۶/۰۷/۰۷ ساعت 3:43 PM توسط صديق الله بدر
|
