لنډه کیسه:

جنون

کوټې ته په راننوتو، نازيې په خوشحالۍ موبایل بند کړ، خو د کوټې په بر کونج کې د زوړ کټ پر سر د واده جامو سترګې ورډنډ کړې. مور يې وپوښتل: ((چا سره غږېدې؟))

- هغه و...

مور پرې سترګې برګې کړې: ((که قومندان خبر شي؛ د سالم ورځ به در توره کړي.))

د قومندان د نوم په اورېدو وترهېده، خو همدا چې مور ته ورنږدې شوه، هغه ټینګه په غېږ کې ونیوله: ((سالم اوس په دولتي زندان کې دی، قوماندان پرې هیڅ نه شي کولای.))

- کوژدن دې چې هر چېرته دی، زندان کې دی، دا خوشحالي دې څه معنا؟

د نازيې شونډې وېړې شوې: ((ویل يې چې زه وریادېږم.))

۱۳۹۶.۱۱.۱۴ غرمه درې نيمې بجې