لیکنه: رِښتينى خدمتګار

ليكوال: صديق الله بدر

رښتينى خدمتګار

 

ډاكتر عبدالوكيل

 

ډاكتر وكيل د رسمي او دولتي چارو په بهير كې خلك په معاصره بڼه باغدارۍ ته هڅول او د وطن د آبادۍ او سرلوړى په موخه يې د خاورې پېژندنې، د څړځايونو د اصلاح او زياتېدو، د قرانطين او نباتاتو د ساتنې، د اوبو لګولو او وړو بندونو او د پروان د اوبو لګولو د پروژو بنسټ كېښود.

 

ډاكتر عبدالوكيل، د ۱۳۰۲ لمريز كال د وري په مياشت كې، په كابل كې په يوه دينداره او علم پروره كورنۍ كې نړۍ ته سترګې پرانستې. خپلې لومړنۍ او منځنۍ زده كړې يې د استقلال او غازي په عالي لېسو كې او لوړې زده كړې يې په هندوستان، امريكا او لندن كې پاى ته ورسولې.

په ۱۳۲۵ لمريز كې د لايلپور له پوهنتون څخه د ليسانس په ترلاسه كولو وطن ته راستون شو او پوره دوه كاله د كابل په عالي دارلمعلمين كې په تدريسي چارو بوخت شو.

ادامه نوشته

ليكنه: افغان ناشر

ليكوال: صديق الله بدر

 

افغان ناشر

 

شير محمد خان

 

يادونه: د ۱۳۸۲ لمريز كال له پيله ما په كليد مجله كې د (چهره ها) په نامه يوه پاڼه لرله، چې په هغه كې به مې د افغانستان هغه ستر او نوميالي شخصيتونه، چې پخپل ژوند كې يې د افغانستان د آبادۍ لپاره هلې ځلې كړې وې، معرفي كول. زما د دې ليكنو يوه ټولګه د نامتو څېرو په نامه د كليد ګروپ له خوا په ۱۳۸۳ لمريز كې چاپ هم شوه خو دويم ټوك يې تر اوسه له چاپه پاتې دى.

 زما دا ليكنې څه زياتونو ته اړتيا لري، له دې امله هيله كوم د دې لړۍ هره ليكنه، چې لولئ که د ياد شخصيت په اړه  څه معلومات درسره وي نو راسره يې شريك كړئ.

ستاسو د ملتيا په هيله.

 بدر

 

شير محمد خان، چې پلار يې محمد ګل افغان نومېده، په ۱۲۵۶ لمريز كال د غزني په قره باغ ولسوالۍ كې زوكړى او په قوم خروټى پښتون و. نيكونه يې له پخوا زمانې په تجارت بوخت وو او ده هم د نيكونو لاره خپله كړه. خان تر ۱۵ كلنۍ پورې د پلار تر روزنې لاندې و او په ۱۶ كلنۍ كې د خپل پلار په لارښوونه د تجارت لپاره هند ته لاړ او پوره دوه كاله يې هلته تېر كړل. له هند نه په راستنيدو، چې په تجارت كې يې پوره مهارت ترلاسه كړى و، پخپلې شخصي پانګې يې تجارت پيل كړ.

ادامه نوشته